-Almmuhus-
-Almmuhus-
-Almmuhus-
MAGASIIDNA– Dat gohčodit mu bonjun

– Dat gohčodit mu bonjun

-

-

14-jahkásažžan ráhkásmuvai Lemet Ánde vuosttaš geardde, muhtin gándii seamma gilážis. Soai deaivvadeigga suoli go vásiheigga iežaska ráhkisvuođa leat tabun sámi kultuvrras. Dáid jagiid go čiegadeigga dán, bohciidii jurdda Lemet Ánddes. Ferte go son fárret iežas ruovttubáikkis vai dohkkehuvvo ollásit?

Mihcamárvahkkoloahpa váldá ruoŧa P4:a dokumentára guldaleddjiid mielde Lemet Ánde Stuenga ruovttugillái Kárášjohkii.

Dáppe leat sápmelaččat eanet logus, measta buohkat hállet sámegiela ja sámi kultuvra lea nanus, čállá Sveriges Radio preassadieđáhusastis.

LHBT:

LHBT lea oanádus mii geavahuvvo nammačoahkkin lesbbaide, homofiillaide, bifiillaide ja transolbmuide.

 

– Sámi kultuvrras lea stuorra váttisvuohtan go olu LHBT-sámit válljejit sorbmet iežaset, fárret, guođđit kultuvrraset, gielaset guođđit go eai dohkkehuvvo dakkárin mo leat. Munnje dát lea áibbas dohkketmeahttun. Muhto nu garas lea ráhkesvuohta ahte olusat válljejit fárret eaige goassege šat máhccat ruovttoluotta, dadjá Lemet Ánde Stueng guhte dál lea 24-jahkásaš ja ássá Kárášjogas.

 

Merethe Kuhmunen guhte lea ráhkadan dokumentára lea ieš sápmelaš ja fuomášii Lemet Ánde Stueng su blogga bokte gos čálii LHBT-áššiid birra sámi servvodagas.

Son šattai sáhkkii diehtit eanet Lemet Ánde áŋgiruššama ja roahkkatvuođa birra, go Kuhmunen iežas vásáhusaid bokte diehtá ahte sámis sáhttá leat váttis spiehkastit dábiin.

– Dokumentáras muitaluvvo mo sii geat dustet spiehkastit dábálaš dábiin Sámis, ellet, dadjá Merethe Kuhmunen.

 

Dokumentára sáddejuvvo geassemánu 20.beaivvi diibmu 23.07, ruoŧa P4-kanálas. Maŋŋil sáhttá dan maid gullat sverigesradio.se ja Sveriges Radio Play appa bokte.

 

-Almmuhus-