Snapchat lea beakkán appa ovtta dihto joavkku gaskkas.
«Medietrender Ung 2022» iskkadeapmi man Kantar lea čađahan čájeha ahte 93 proseanta nuora, gaskkal 15 ja 24 jagi, geavahedje sosiála media juohke beaivvi 2021:s.
Appaid gaskkas lea Snapchat dat mii geavahuvvo buot eanemusat dán joavkkus, 84 proseanttain.
Snapchata maŋŋel geavahuvvo Spotify (82 proseanta), Instagrama (77 proseanta), YouTube ja Facebooka (67 proseanta) eanemusat.
Rávdnjenbálvalusat
Rávdnjenbálvalusaid gaskkas lea Netflixa stuorámus nuoraid gaskkas.
Iskkadeapmi čájeha ahte vahkkus geavahuvvo Netflixa 80 proseantta 15-24 jahkásaččain, 50 proseanta fas sis geat leat 25 jagi ja boarrásit. Dan maŋŋel NRK TV-áppa, Disney+ ja TV 2 Play.
Influenseriid sisdoallu váikkuha
Okta njealjádasoasi nuorain gehččet beaivválaš sisdoalu influeansaeriin.
61 proseanta liikojit guoimmuheapmái, 25 proseanta lohket sii gáđaštit influeanssaid eallima, 19 proseanta movttiiduvvojit oastit buktagiid ja bálvalusaid maid influenserat čájehit, ja 14 proseanta lohket ahte influenserat váikkuhit sin árgabeaimearrádusaid beaivválaš eallimis.
Muđui čájeha iskkadeapmi ahte 30 proseanta gehččet lineara TV. Ja 15-19 jahkásaččat lohket sisdoalu unnit go ovdal.
(©NTB)
