– Dát gal manai ollu buorebut go diibmá

1. Leat go sápmelaččat Eurohpá áidna álgoálbmogat?

– Juo. Muhtumat lohket ahte Báskáriin galggašii leat seamma stáhtus, muhto dain ii leat. Riekta!

2. Sámegielas vearba sodjá loguid mielde, mat dat leat?

– Persovnnalašpronomeniid mielde. Ovttaidlogut, guvttiidlogut ja máŋggaidlogut. Riekta!

3. Gii lea čállán girjji Ronja Rievvárnieida?

– Astrid Lindgren, vástida Trosten jođánit. Riekta!

Ande Trosten máhtii buot golbma vuosttaš gažaldaga, ja son de oažžu liigegažaldagaid. Son sáhttá válljet ruoná liigegažaldaga mii addá 1 čuoggá, dahje válljet rukses liigegažaldaga mii addá 3 čuoggá.

Trosten vállje rukses liigegažaldaga, ja mii jearrat sus dán gažaldaga:

Makkár ivdni lea appelsinmuora lieđis?

– Mun gal dajan ruoná. Boastut!

Rievttes vástádus: Vielgat

Trosten máhtii buot golbma álgogažaldaga, ja de oaččui vel liigegažaldaga man ii vástidan riekta. Son liikká beassá válljet árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá. Alit ivnnis faske 10 čuoggá, ja ruonás 5 čuoggá.

Trosten vállje alit ivnni ja mii jearrat sus dán gažaldaga:

Mii lea muoras dahkkon, ja man lea veadjemeahttun sahát?

– Vuorddes dál veahá. Dat leat diet mat leat návehis, cuvkejuvvon muorat, mat dat

leatge sámegillii. «Sagflis» goittot lea dárogillii. Riekta!

Sámegillii lea sahájáffut.

Galle čuoggá oktiibuot:13 čuoggá

– Dát gal manai olu buoret go diibmá. In gillen Ávvira lohkat diibmá, go lei nu heahpat, boagusta Trosten ja lasiha ahte dán jagi ledje albma gažaldagat.

Juohke gilvaleaddji beassá hástalit ođđa gilvaleaddji Ávvira geassegilvui.

– Mun áiggun hástalit iežan vielja, Amund Trostena. Jus son ii vástit dahje ii hálit de hástalan iežan jierbmás vilbeali Issát Erke Trostena, son gal máhttá buot.