-Almmuhus-
OĐĐASATDát buhcciidruovttut ožžot FeFo juovlaealgga

Dát buhcciidruovttut ožžot FeFo juovlaealgga

-

-

Nu go diibmá de skeŋke Finnmárkkuopmodat ealgga buhcciidruovttuide, otne iđđedis vuorbádedje makkár njeallje buhcciidruovttu besset herskostallat ealggabiergguin.

 

 

Porsáŋggu leansmánne Tarjei Leinan Mathiesen ja FeFo​​ gulahallanolmmoš Eirik Palm čađaheigga ovttas vuorbádeami.

Kárášjoga buhcciidruoktu, Báhcavuona dearvvašvuođaguovddáš, Ávanuori buhcciidruoktu ja Nordkapp dearvvašvuođaguovddáš besset dán jagi herskostallat ealggabiergguin maid FeFo lea skeŋken.

FeFo skeŋke ovtta ealgga maid juohká njeallje oassái.

 

Illudahtti stuorra beroštupmi

Oktiibuot 548 evttohusa leat ovddiduvvon  FeFo:i.

– Lea hui illudahtti ja somá go lea nu stuorra beroštupmi, logai Eirik Palm njuolggosáddagis Facebookas ja giittii buohkaid geat leat sádden evttohusaid.

 

-Almmuhus-