-Almmuhus-
MAGASIIDNADát berre leat biillas go vuolggát olgoriikii

Dát berre leat biillas go vuolggát olgoriikii

-

-

Vaikko sáhtát vuodjit stuora osiid Eurohpás johtolatdáhkádusduođaštusa haga, maiddái gohčoduvvon ruoná koarta, ávžžuha dáhkádusfitnodat If ahte dus aŋkke lea dát biillas.

Leat go vuolgime biilamátkái luomus? De sáhttá ruoná koarta garvit sáhkuid, áiggi ja váttisvuođaid mat sáhttet čuožžilit jus beaškkehat man ge njeaiga olgoriikkas.

 

Vaikko sáhtát vuodjit stuora osiid Eurohpás johtolatdáhkádusduođaštusa haga, maiddái gohčoduvvon ruoná koarta, ávžžuha dáhkádusfitnodat If ahte dus aŋkke lea dát biillas.
– Lea čájehuvvon ahte eanas dilálašvuođat čovdojit álkit go čájeha dán ruoná koartta. Mii diehtit olu Norgga biilavuddjiid geat leat sáhkkohallan go eai sáhte duođaštit iežaset dáhkádusa, dadjá If olgoriikahoavda Jens Gravdal.

– Buohkat han dihtet mii fiskes ja rukses koarta lea, muhto unnán olbmot dovdet ruoná koartta. Dat lea duođaštus mii duođašta golmma mánnui ahte dus lea dáhkádus iežat biillas, čilge son.

 

Nuvttá poasttas
Don oaččut sáddejuvvot dán nuvttá postii jus dieđihat iežat dáhkádusfitnodahkii ahte leat vuolgime mátkkoštit. Eanas fitnodagain sáhtát diŋgot dán koartta neahta bokte, muhtun sajiide ferte fas riŋget.
Vaikko lea álkit oažžut ruoná koartta go pássa, berret aŋkke dahkat dán buori áiggis ovdal biilaluomu Eurohpás.
– Mii ávžžuhit diŋgot dán neahtas jus fitnodat fállá dan, dat váldá unnimus áiggi ja lea álkimus, ávžžuha Gravdal.

-Almmuhus-