Rovdata dieđiha ahte ođđa goaskinlohkamat Norggas čájehit ahte goaskinnálli bissu dássidis dásis.
Rovdata ođđa goaskinlohkamiid raporta čájeha ahte goaskinlohku bissu mearriduvvon nationála mihttomearis, dieđihit ođasreivves. Rovdata lea dutkan 1.382 registrerejuvvon goaskinguovllu Norggas ja árvvoštallá gaskal 914 ja 1.145 guovllus leamaš goaskimat bessemin oktii dahje máŋgii maŋimuš viđa jagis.
– Mii rehkenastit ahte Norggas leat 1.027 (914-1.145) pára mat leat bessen áigodagas 2015-2019. Dát lea veaháš eanet go maid leimmet rehkenastán, muhto dattetge siskkobeale dan logu maid leimmet árvvoštallan ovddit viđa jagi áigodagas, lohká Rovdata jođiheaddji Jonas Kindberg.
Danin árvvoštallet goaskinnáli bissut dássidis dásis ja siskkabeale dan logu, 850-1200 bessen goaskinpára, maid Stuorradiggi lei mearridan galggai leat Norggas. Birasdirektoráhta bálkáha Rovdata vákšut goaskinnáli ja geavatlaš barggu bargá fas SNO dahje Stáhta luonddubearráigeahčču.
