-Almmuhus-
-Almmuhus-
OĐĐASAT Dása ceaggana ođđa visti fargga

Dása ceaggana ođđa visti fargga

-

-

Finnmárkkuopmodat lea pláneme cegget vistti Levdnjii gosa galget FeFo ođđa kantuvrrat. Arkiteaktafitnodat lea maid válljejuvvon.

Haldde arkiteaktafitnodat lea válljejuvvon tevdnet Finnmárkkuopmodaga ođđa vistti Levdnjii. Arkiteaktafitnodat Haldde lea seamma fitnodat mii lea tevdnen Guovdageainnu bátnedivššohaga ođđa vistti mii fargga gárvána.

 

Gárvána 2017:s

2014:s mearridii FeFo hukset ođđa váldokantuvrra Levdnjii. Visti galgá leat birrasii 800 m2 ja doppe galget leat 20 kantursaji. Visti lea plánejuvvon gárvvisin loahpageahčen 2017.

– Šaddá miellagiddevažžan ovttasbargat Haldde arkiteavttaiguin ja hábmet erenomáš vistti mii čájeha FeFo ja Finnmárkku máŋggabealálašvuođa, ja gos bargit loktet ja mainna finnmárkulaččat leat rápmásat, lohká FeFo direktevra Jan Olli.

 


Finnmárkkuopmodaga viessosadji lea E6 luoddaguoras ja lea álki deaivat dohko go visti lea gárvvis. Govven: Jan Henrik Hætta/FeFo.

 

Dovdet Davvi-Norgga bures

Háldde arkitekter AS lea Davvi-Norgga arkiteaktakantuvra mii prošektere visttiid juohkelágan kategoriijas.

– Min bargit dovdet Davvi-Norgga bures. Mii leat davvin eret, ja mis lea máŋgga jagi prošekterenmáhttu Finnmárkkus ja Romssas. FeFo guovllut leat mearas duoddarii, ja leat ollu bealit maid galgá čájehit. Lea dehálaš midjiide gávdnat FeFo identitehta dán viiddis guovllus, muitala Haldde arkiteaktafitnodaga siviilaarkiteakta ja beaivválaš jođiheaddji Magnus Langli FeFo preassadieđáhusas.

- Advertisement -
-Almmuhus-