-Almmuhus-
-Almmuhus-
-Almmuhus-
OĐĐASATDás rájes gáibida Vearro­etáhtta buot vearuid ja divadiid 

Dás rájes gáibida Vearro­etáhtta buot vearuid ja divadiid 

-

-

Vearroetáhtta dieđiha ahte dál lea vearroásahusas ovddasvástádus gáibidit buot vearuid ja divadiid stáhta ovddas, maiddái gáibidit reastavearu ja máksit ruovttoluotta vearu jus lea vearru buorrin.

Vearroetáhtta ahte lea historjjálaš dáhpáhus go buot vearut ja divadat čohkkejuvvojit ovtta ásahussii, Vearroetáhttii. 

– Dássážii leamaš vearro-Norga juohkásan stáhta ja gieldda gaskka. Dál čohkket mii buot barggu ja gelbbolašvuođa ovtta sadjái. Min bargoveahka lassána badjelaš duháha gielddabargiin. Mun jáhkán mii ovttasráđiid sáhttit bargat buori barggu, lohká vearrodirektevra Nina Schanke Funnemark  preassadieđáhusas .

Skábmamánu vuosttaš beaivvi rájes válddii Vearroetáhtta badjelasas buot vearuid gáibideami ovddasvástádusa, doaimmahit vearrorehketdoalu ja bargoaddiid dárkkisteami. Rievdadeapmi álkidahttá ealáhusaid dárkkisteami. Čohkket ovtta sadjá vearro- ja divatgáibideami beaktilmahttá barggu ja fuolaha ahte buohkat ožžot seammalágan meannudeami. 

Buot bagadallamat čohkkejuvvojit ovtta sadjái

– Dál gávnnat buot vearrobagadallamiid ovtta sajis – skatteetaten.no. Sáhtát maid gulahallat minguin, sáddet ohcamiid ja gažaldagaid neahttasiiddu bokte, chattet minguin dahje čuojahit 800 80 000, čilge Schancke Funnemark.

Vearroetáhtas leat 57 kanturbáikki riikkas. Covid-19 koronadili dihtii lea dál dušše vejolaš tiŋgot tiimma bálvalusaide mat gáibidit ahte boađát ieš báikái. Nu go ohcat vearrokoartta vuosttaš geardde (olgoriikka stáhtaboargárat), dieđihit fárrema Norgii, ID-dárkkisteami dárkkistit, DA-iskosa váldit dahje áhččivuođa duođaštit. 

Vearrogáibidanguovddáža bargu lea dárkkistit ahte bargoaddit čuvvot vearronjuolggadusaid. Bargobearráigeahčus, Vearroetáhtas ja Politiijas lea lagas ovttasbargu eastadit bargoeallinrihkusáššiid. Plánejuvvon ja čađahuvvon bargosirdin lea Vearroetáhta, gielddaid ja KS fágalihtu ovttasbargu.

-Almmuhus-