Guovttis gulloba hupmame gaskaneaskka báikki birra man namma lea Teriberka. Dáppe in leat ieš ge goassige leamašan ovdal.
Guovttis gulloba hupmame gaskaneaskka báikki birra man namma lea Teriberka. Dáppe in leat ieš ge goassige leamašan ovdal.
Go olmmoš hárjána dihto diŋggaid geavahit beaivválaččat de ohcala daid amas báikkis maid. Muhtumin olbmos lea panihkka jus ii gávnna minibáŋkku, buriid gávppiid, kafea, interneahta dahje maid nu eará masa lea hárjánan.
Teriberka lea juste dakkár báiki gos eallin orru leamen bisánan ovtta ládje. Doppe ii leat minibáŋkku, kafea ja beare ovtta gávppis lei vejolaš máksit koarttain.
Deike olmmoš vuolgá vuoiŋŋastit ja návddašit čáppa davvi mearraguovlu luonddu.
Dáppe olmmoš gávdná ráfi, beassá jurddašit ollu áššiid birra man ii jurdil dávjá.
Vaikko guoros dahje guhpon visttit leat vaikko man ollu Teriberkkas, de orrot doppe movttegis áhkut ja ádját. Eai ge hálit fárret eret. Ovtta dakkár áhku deiven Teriberkka márkanis.
– Manin galggan fárret eret gosage? Lean dáppe orron olles iežas eallima. Vásihin nuppi máilmmi soađi. Dáppe lea mu eallin, lohka eallilan nissonolmmoš.
Ja de ieš ge jearralii manin bat lean govveme garášaid, mii bat dies lea earenoamáš?
– Ná go lean várra turista, vástidin dákkaviđe.
– Na juo, dál leat hui ollu turisttat juohke beaivi. Miehtá riikka bohtet deike luonddu geahččat dahje guliid bivdiid. Ovdal eai lean turisttat, beare guolásteaddjit ledje, loahpahii son.
Govven: Sergey Gavrilov
Leviathan rievdadii dili
Dilli Teriberkkas rievdagođii maŋŋá “Leviathan” nammasaš filmma mii lea filbmejuvvon Teriberkkas ja dasto čájehuvvon 2014:s miehtá máilmmi. Dovddus Cannes filbmafestiválas Frankriikkas, dát oaččui bálkkašumi buoremus mánusa ovddas.
Filmma maŋŋá lássaneaddje turisttat Teriberkkas. Danin ge báikke olbmuin lea doaivva čuvgesáigái ja buoret eallimii.
Ieš ge mun finašin nuppes Teriberkkas. Earenoamáš báiki Teriberka lea Ruošša bealde Sámis.
Čállán ja govven: Sergey Gavrilov
