Go Kurt Are lei vuodjime biillain Anárjohgátti, de fuomášii guovžža oktan golmmain čivggain ruohttame luoddaráigge. Son rohttii filbmenrusttega ja filbmii. Geahča video!
Go Kurt Are lei vuodjime biillain Anárjohgátti, de fuomášii guovžža oktan golmmain čivggain ruohttame luoddaráigge. Son rohttii filbmenrusttega ja filbmii. Geahča video!
Finnmárkkus okta dain sihkkareamos báikkiin guovžža beassat oaidnit lea Anárávžžis, Kárášjogas lulás.
Dan duođašta dál Kurt Are Boine Nikkinen, go son filbmii mannan lávvordaga guovžža čivgga go giccui muorrageahčái.
Lei ráhkkanan filbmet
Boine Nikkinen duođašta ahte son lei gullan ahte juste dan guovllus ledje oaidnán guovžža, ja son lei juo ráhkkanan nu ahte galgá beassat filbmet jus deaivá daid anárjotluotta alde.
– Liikká in ollen filbmet visot golbma čivgga, go jávkkehedje luottas eret hui johtilit, muitala son.
Boine Nikkinen lohká son ii álggos oaidnán dan čivgga mii goarkŋui murrii, go son ii jáhkkán dat goargŋu jur nie geahčái.
Jietnadallá muorrageažis
Son muitala ahte lei hui erenoamáš vásáhus, go guovžža čivga jietnadallá muoras, ja dat eadni vástida nuppe bealde luotta.
Son jáhkká danin maid čivga bođii vulos go dat eatni čuorvvui dan.
– Lei oba stuora vásáhus munnje, dušše suddu go in ožžon buot golbma čivgga seamma filbmii, lohká son vel loahpas.
