Boazopolitiijat áigot čađahit dárkkistemiid dáid beassážiid nu go diibmá, ja eanet guovllut Finnmárkkus ja Davvi-Romssas dárkkistuvvojit.
Eanaš dárkkistemiin lea ovttasbargu SNO-bargiiguin. Dárkkisteamit leat várrejuvvon skohtervuodjimii máđijaid alde dahje máđija guora.
Vuoruhit váralaš vuodjima
Sii áigot vuoruhit dárkkistit vuodjima mii sáhttá leat váralažžan skohtervuoddjái ja mielčuvvui, dahje earáide guovllus. Goargŋut ceakko várreviltiide skohteriin lea okta ovdamearka dasa.
Čađahuvvojit maiddái dábálaš dárkkisteamit, vuodjinkoartta ja vuovdnakoartta dárkkisteapmi, promillaiskkus ja ahte oaivesuodji geavahuvvo. Mohtorjohtolatlága rihkkun váidojuvvo dábálaš vuogi mielde.
Dolgastit skohtera maŋis dohkkehuvvo, ja dát galgá dáhpáhuvvat luoddajohtolatlága § 3 eavttuid mielde.