SNO ja politiijat Finnmárkkus leat ikte eahket ja mannan ija dárkkistan vánddardit go skuteriiguin báikkiin gos ii leat lohpi, ja leat go muđui visot nu go galga.
Sis leat leamašan dárkkisteamit sihke Skáiddis, Ákšovuonbađas, Girkonjárggas/ Báhčaveajis, Čáhcesullos, ja ovddit ija ledje Leaibevuonas.
Leaibevuonas váidet sii guoktása go gávnnahalaiga skuterin báikkis gos ii lean lohpi vánddardit.
Čáhcesullos váidet fas golbmasa, geat maid leat vánddardan báikkis gos ii lean skutermáđii.
Girkonjárggas/ Báhčaveajis ožžot guovttis sáhku go ii lean oaivesuodji vuojidettiin skuterin.
Ákšovuonbađas dárkkistedje 27 skutera. čiežas váidojit vánddardan báikkis gos ii leat lohpi vánddardit ja gos ii leat rabas máđii. Guđas fas ožžot sáhku go ii lean oaivesuodji, ja okta vel oažžu álkessáhku go skutera dovdomearka ii lean nu lei vejolaš oaidnit dan politiijáide.
Skáiddis ii váido oktage. Dárkkistedje 29 skutera, ja buohkain lei visot nu go galga, ja vánddardedje báikkiid gos lea lohpi skuterin vuodjit.
