Mannan vahkkoloahpa čađahii boazopolitiija ealgabivdodárkkisteame Kárášjoga gielddas, gávcci ealgabivdi dárkkistuvvo. Guokte bivdi leat váidon go leat rihkkon vearjolága.
– Mii leat gal dábálaččat olgun, ja dalle dárkkistat mohtorjohtolaga ja bissu vurkkodeame vuojedettiin, dadjá boazopolitiija jođiheaddji Håvard Marthinsen.
– Bissut eai lean vurkejuvvon lobálaččat fievrrideame oktavuođas ATVain. Bissu ii galgga leat olámuttus, ii ge galgga leat láddejuvvon, čilge Boazopolitiija jođiheaddji Håvard Marthinsen.
Ovttasbargu
Son ii loga iežaset plánen ealgabivddu dárkkisteame dán jagi, muhto lohká dárkkisteamit sáhttet čađahuvvot dan dihtii.
– Mis eai leat dál plánejuvvon dárkkisteamit. Mii ovttasbargat stáhtaluonddubearráigeahčuin ja soaitá ahte mii čađahat bivdodárkkistemiid, lohká Marthinsen.
Bivdu álgán guovtti gielddas
Čakčamánu 1. beaivvi álggii ealgabivdu Kárášjoga gielddas ja Guovdageainnu suohkanis, muđuid álgá bivdu eará gielddain Finnmárkkus čakčamánu 25 .beaivvi. Rievssatbivdu álgá čakčamánu 10 . beaivvi.
