-Almmuhus-
-Almmuhus-
OĐĐASAT Dárkkis luoddadieđuid ovdal vuolggát mátkái

Dárkkis luoddadieđuid ovdal vuolggát mátkái

-

-

Soitet luoddabarggut ja guhkes vuordináigi doppe gosa leat vuoddjáme.

Geassi lea áigodat go leat olu luoddabarggut ja de sáhttá leat buorre dárkkistit luoddadieđuid ovdal vuolgá mátkái. 

– Geasset galgá čađahuvvot olu plánejuvvon luoddabargu miehtá regiovnna. Mii ávžžuhit ahte rehkenasttát veahá guhkit ádjánit, erenoamážit jus galggat girdi dahje feargga joksat. Doppe gos lea luoddabargu dagaha giddema dahje guhkes vuordináiggi ja stuorát váikkuhusaid mátkkošteddjiide, dieđihuvvo neahtabokte. Mii vuordit ahte mátkkošteaddjit sáhttet vuorddestit báikkis gos lea bargu mas lea oanehis vuordináigi, dadjá region Nord Vegtrafikksentralen johtolatoperatevra, Siril Veiåker preassadieđáhusas.

– Don fertet leat hui gierdevaš ja váldde áinnas niestti mielde jus galggat guhkás ja váccaš olggobealde biilla jus leat dakkár báikkis gos guhkes vuordináigi – mátki han lea okta oassi tuvrras.

 

Dá leat geaidnodoaimmahaga buoremus ráđit sihkkaris geassetuvrii:

  • Pláne mátkki bures ja rehkenastte buori áiggi. Váldde vuhtii luoddabarggu.
  • Dárkkis ahte biila lea buori stánddas.
  • Páhkke biilla riekta. Eai galgga luovos diŋggat fieradit ja bija lossa diŋggaid vuolemussii.
  • Divtte vuoddji geahččat luddii. Bija rádio ala ovdal vuoddját ja bisán jus áiggut mátketelefovnna čuoggut.
  • Juogat luotta ja vuhtiiváldde earáid geat maid geavahit luotta.
  • Muitte biilaboahkána!
  • Ale vuoddjá jus it leat vuoŋis! Jus dovddat ahte váibagoađát, bisán ja nohkes 15 minuhta.
- Advertisement -
-Almmuhus-