-Almmuhus-
OĐĐASATDárkkis dálu suovva­njurggoniid

Dárkkis dálu suovva­njurggoniid

-

-

Porsáŋggu gielda muittuha juovlamánu vuosttaš beaivvi lei suovvanjurggonbeaivi muittuhan dihtii ahte fertet iskat doibmet go suovvanjurggonat ja molsut dain báhtteriid vai ain doibmet. Juovlamánus bullet eanemus dálut.

Norggas gávdnojit birrasii 10 miljovnna suovvanjurggona, muhto olusat eai dieđe dat eai bistte agibeaivvi. Muittát go goas bidjet dan dállui ja leago áigi molsut ođđasut njurggoniiguin? Čájehuvvo ahte suovvanjurggon geahnohuvvá 30 proseanttain logi jagis. Jus lea boarrásut go logi jagi, de berret dan molsut ođđasabbuin. Muitte dat galgá merkejuvvon CE-mearkkain, čállá Porsáŋggu gielda gielddasiiddus. 

Olbmot geat dárbbašit veahki leat boares olbmot, olbmot geat leat darvánan gárrenmirkkuide ja olbmot geain leat psyhkalaš dearvvašvuođaváttut. Dárkkis dávjá ahte suovvanjurggonat doibmet ja molsso báhtteriid. Dat bistet guhkit jus sihkut das eret gavjjaid. Jus it leamaš guhkes áigái iežat dálus dahje barttas, muitte dárkkistit ahte dat ain doaibmá. Suovvanjurggonat áimmahuššet du birra jándora ja iskamat čájehit ahte dat gádjot olbmuid heakka. 

Buollineastadannjuolggadusas lea gáibádus juohke dállui ja bartii ahte juohke gearddis galgá leat unnimus okta suovvanjurggon. Lea dálu eaiggát geas lea ovddasvástádus ahte dálus lea suovvanjurggon. Dálu olbmuid geatnegasvuohta lea fuolahit ahte dat doaibmá. 

-Almmuhus-