Kulturministar Trine Skei Grande lea finadan Romssas odne gos lea deaivvadan earret eará sámediggeráđđelahtuin.
Sámediggeráđđelahttu Henrik Olsen lea odne deaivvadan Romssas kulturministariin Trine Skei Grandein ja Trøndelága, Nordlándda ja Romssa ja Finnmárkku fylkkagielddain. Čoahkkima fáddá lei guovlluođastus ja sámi kulturásahusat.
– Buohkat ledje ovttaoaivilis ahte lea dárbu fárrolaga geahčadit movt nannet sámi kulturásahusaid, ja ahte lea dárbu fásta jahkásaš forumii digaštallat daid áššiid, mas leat mielde sihke Sámediggi, fylkkagielddat ja kulturministtar, čállá Sámediggi Facebookas.
