-Almmuhus-
-Almmuhus-
-Almmuhus-
OĐĐASATDárbbašit ruhtalána divodemiide

Dárbbašit ruhtalána divodemiide

-

-

Almmolaš visttiid divodemiide ja ođasmahttimiidda dárbbašit birrasii 160 miljárdda ruvnnu, čájeha ođđa raporta. 

Norgga fylkkagielddaid ja gielddaid almmolaš visttiid eai leat doarvái bures áimmahuššan, ja ođđa raporta čájeha ahte divodemiide ja ođasmahttimiidda dárbbašivčče 160 miljárdda ruvnnu. 

Rådgivende ingenørers forening (RIF) dat lea kárten visttiid dego hálddahusviesuid, mánáidgárddiid, skuvllaid, dearvvašvuođaguovddážiid ja kulturviesuid. 

– Visttit mat eai leat divoduvvon ja mat leat heajos teknihkalaš stánddas sáhttet váikkuhit olbmuid dearvvašvuhtii go dain sáhttá heajos áibmu ja dat sáhttet maiddái guohpput, dadjá RIF hálddahusdirektevra Liv Kari Hansteen VG aviisii. 

 

Miehtá riika

Raporttas dieđihit ahte fylkkagielddaid ja gielddaid visttiid árvu lea birrasii 700 miljárdda ruvnnu ja ahte lea dárbbašlaš geavahit 160 miljárdda ruvnnu divodit ja ođasmahttit dáid. 

Heajos visttit gávdnojit miehtá Norgga. 

– Mu mielas orro ruhtasubmi viehka stuoris, muhto de registreren ahte raporttas fátmmastit maiddái ođasmahttimiid. Dál geavahit Norgga gielddat birrasii 35 miljárdda ruvnnu huksemiidda ja ođasmahttimiidda jahkásaččat, dadjá Norgga gielddateknihkalaš searvvi stivrrajođiheaddji Jan-Egil Clausen. 

(©NTB)

-Almmuhus-