Bargguhisvuohta Finnárkkus lea njiedjan njukčamánus. 1 135 olbmo leat registrerejuvvon áibbas barggu haga, mii lea 239 unnit go seamma áiggi diibmá.
Bargguhisvuohta fylkkas vástida dál 2,8 % bargofámus diimmá 3,4 % ektui seamma áiggi. Riikkas lea bargguhisvuohta 2,5 %.
Eambbosat bargoozus
Bargguhisvuohta Finnmárkkus njiedjá buot agiin, earret sin gaskkas geat leat badjel 60-jahkásaččat.
333 olbmo leat dál bargoozus NAV čađa. Das lea lassáneapmi 24 proseanttain diimmá ektui, mii dagaha ahte bargguhisvuohta njiedjá.
Go lea virgelobiin sáhka, de leat 123 olbmo fylkkas registrerejuvvon NAV:s áibbas dahje belohahkii virgelobis, mii lea 96 unnit go njukčamánus diibmá.
Olu rabas virggit
Finnmárkkus leat oktiibuot registrerejuvvon 382 rabas virggi njukčamánus. Eanemus virggit leat dearvvašvuođa, dikšuma ja fuolahusa suorggis (129 virggi) ja oahpahussuorggis (69 virggi).
Eanemus registrerejuvvon bargguhis ohccit leat fitnosurggiin huksen- ja ráhkadusteknihkas, industriijabarggus ja mátkeeallin/fievrrideamis.
Eanemus ja unnimus
Unnimus bargguhisvuohta Finnmárkkus dál lea Álttás (2 %) ja Ákŋoluovttas (2,1 %). Eanemus fas Várggáin (5,5 %) ja Guovdageainnus (4,8 %).
Sihke Várggáin ja Guovdageainnus lea bargguhisvuohta njiedjan buohtastahttojuvvon diimmážiin.
