Statistihkalaš guovddášdoaimmahaga dieđuid mielde lea Murmánskka fylkkas haddegoargŋun 1,5 proseantta eanet go muđui Ruoššas.
Gaskamearálaš haddegoargŋun Ruoššas lea 14,3 proseantta, muhto Murmánskka fylkkas fas haddegoargŋun lea 15,82 proseantta borgemánus dán jagi.
Suoidnemánus fas haddegoargŋun Murmánskka fylkkas lei 16,18 %.
Áššedovdit čilgejit haddegoargŋuma njiedjama borgemánus suoidnemánu loguid ektui dainna go lassánii gálvvuid válljen gávppiin ja go rubel, riikaruhta, gievrrui ovddit mánuin.
Dan čállá B-port, Murmánskka neahttasiidu.