Romssas jáhkket boahtte vahkku šaddat seammalágánin.
Romssas ii leat ovdal njommon korona nu viidát go lea dahkan mannan vahkkus.
– Nuoraid gaskkas njoammu virus dál hirbmat leahtuin, čállá suohkan iežaset neahttasiiddus. Suohkan duste dili vuosttažettiin iskamiiguin, ja skuvllat lágidit nuoraide ruovttuiskkademiid, čállet sii.
Sis leat dál erenoamáš rávvagat nuoraide nuoraidskuvllain ja joatkkaskuvllain, dahje 12-17 jahkásaččaide.
Vaksiidna vuhtto boahtte vahkku rájes
Njoammuneastadandoavttir Trond Brattland lohká Nordlys aviisii ahte sii vurdet boahtte vahku seamma alla njoammunloguid nuoraid gaskkas. Leat boahkuhan juo ollu nuoraid, muhto eai jáhke oaidnit das ávkki ovdal go maŋit vahkku mielde.
– Oallugat eai lean ožžon vaksiinna, ja dávda njoammu jođánit, muhto bisseha gal veahá go eatnasat badjel 18 leat boahkuhuvvon. Jáhkán boahtte vahkkus leat alimus logut ovdal go fas njiedjagohtet, dadjá Brattland aviisii.
