Stáhtageaidnodoaimmahat dieđihit ahte «Arctic Race» sihkkelgilvvuid oktavuođas fertejit mátkkošteaddjit čájehit gierdevašvuođa, go muhtun sajiin sáhttá gaskkohagaid leat váttis beassat meaddil.
Borgemánu 5. beaivve álgá Romssas sihkkelgilvu «Arctic Race» ja loahpahuvvo Hársttakas borgemánu 8. beaivvi . Sihke E8, E6 ja E10 luodda Romssa ja Hársttak gaska boahtá giddejuvvot gaskkohagaid dan áigodagas. Stáhtageaidnodoaimmahat čállá ahte dát boahtá maiddái čuohcat fylkkagieldda ja gieldda geainnuide.
Dáid beivviid giddejit geainnuid
Lágideaddjit leat almmuhan giddenáiggiid, ja leat politiijat geat stivrejit johtolaga gilvvuid oktavuođas. Dáppe gávnnat dieđuid goas geainnuid giddejit. Dá leat guovllut gos sihkkelgilvu čađahuvvo.
1. oassi, borgemánu 5. beaivvi, lea gaskkal Romssa-Muotkeluovttajávrri- Romssa.
2.oassi, borgemánu 6. beaivvi, lea gaskkal Gárgán- Omasvuona-Gilbbesjávri.
3.oassi, borgemánu 7. beaivvi, lea gaskkal Finnsnes -Málatvuopmi.
4.oassi borgemánu 8.beaivvi lea gaskka Rivttát- Hárstták.