Jon Henrik Fjällgren ii leat velohallan maŋemus áigge, muhto lea mielde dánsungilvvus mii čájehuvvo Ruoŧa TV4:s. Bearjadaga mearriduvvo geat finálii besset.
Lea mannan bures dánsumiin, go mannan bearjadaga beasai Fjällgren viidáset beallefinálii mii čájehuvvo TV4s.
– Lea nu buorre dovdu dál, logai Jon Henrik.
Ollu dánssat
Boahtte bearjadaga gilvalit Daniel Norberg, Jon Henrik Fjällgren ja Gunde Svan beassat finálii. Dat gii ii beasa viidáset, šaddá goalmmádin gilvvus.
Jon Henrika dánsunolmmái lea Katja Luján Engelholm, ja soai leaba dánson sihke American Smooth, cha cha, rumba, tango, charleston ja salsa.
Gávcci dánsunbára leat šaddan guođđit gilvvu, ja dál leat golbma bára báhcán.
Bearjadaga čájehuvvo dánsungilvu TV4:s diibmu 20.00, ja TV4 Playas. Finála lea geassemánu 1. beaivvi, gos de oaidná gii lea gilvvu čeahpimus dánsejeaddji.
