-Almmuhus-
-Almmuhus-
GUOIMMUHEAPMIDán vahku horoskohpa

Dán vahku horoskohpa

-

-

Dás logat mo astrologa einnostit boahtte vahku šaddat.

FIERCA

21/3-19/4

Dus leat nana oaivilat dál, muhto sáhttet smávva riiddut šaddat go dus váilu máškitvuohta, go du vuostá dadjet maidige.

Soaitá oahpásnuvat ođđa olbmuide iežat oainnuin ja oaččut oktavuođa dakkár olbmuiguin geat loktejit du persovnnalaččat ja ovdánat dainna.

 

VUOKSÁ

20/4-21/5

Barggus leat doaimmalaš, muhto maiddái mášoheapme ja gáibidat menddo ollu bargoskihpáriiguin.

Jus rasat várrugasat ahte it duolmmas rájáid de garvvát smávva riidduid.

Dovddut maid it diehtán dahje mat leamaš čihkosis fas badjánit muhtin olbmui, soaitá danin go doai oahpásnuvvabeahtti buorebut.

Ale luoitte balahahkesvuođa bilidit dus dan hutkkálaš oasi.

 

JUMEŽAT

21/5-21/6

Earát leat du mielas gáibidahttit, dahje muhtin erenoamáš gaskavuohta gáibida dus eanet návccaid.

Dás lea sáhka čorgemis go leat leamaš menddo njálbmái, muhto sáhttá maid leat ođđa mokta dálá gaskavuođas.

Lea maid vejolaš ahte šaddet ollu doaimmat ja sosiála eallin dán vahkku.

Don barggat bures earáiguin ovttas, jus mášat ahte it ovddit iežat menddo sakka goasttádussan earáide.

 

 

REABBÁ

22/6-22/7

Bargo- dahje skuvlaoktavuođas sturrot gáibádusat, muhto jus barggastat vehá eanebuš mii ii lean vurdojuvvon, de vuoittát dainna maŋit áiggis.

Sáhttá šaddat sosiála vahkku, muhto dohkkehat maiddái rutiidnabargguid maiguin gearggat, vai fas leat friddja vásihit eará.

Ruovttus leat ollu barggut, soaitá fárrema oktavuođas dahje ođasmahttimiin.

Dás šattat mášoheapmin ja cuvzzat smiehtakeahttá.

 

LEDJON

23/7-22/8

Dál giktaluvvot hutkat juoga mii lea ođđa, ja vuosttaldeapmi boktá gilvovuoiŋŋa mii dagaha ahte barggastat vehá liiggás.

Dás sáhttá maid leat sáhka romantihkas dahje dovddut maid sáhttet leat dasa seaguhuvvon.

Vuordámušaid geažil oainnát áššis dušše nuppe beali ja it ge guldal earáid oainnuid.

Soaitá don maid loahpahat juoga go gáttát ahte eará sajis lea buoret.

 

BUHTISNIEIDA

23/8-22/9

Don dovddat das váikkuhusaid go leat dahkan dan válljejumi okto birget, dahje luovvanit ruohttasiin ja ráhkadit alccet iežat geainnu.

Ruovttus vásihat ahte juohkebeaivválaš barggut hástaluvvojit ođđa jurdagiiguin dahje rievdadusaiguin.

Don giktaluvvot maid ruđalaš mearrádusaid dahkat.

Dat manná bures, muhto jus menddo johtilit mearridat, de lea vejolaš dainna bártidat.

 

VIEHKAT

23/9-22/10

Skihpáriid ja guoimmi ovddas doaimmahat vaikke maid, muhto sáhtát šaddat váibadahttin jus ii mana nu mo don háliidat.

Dus lea dál duođai leaktu.

Vahkku álggahuvvo nana mentála doaimmaiguin, sáhttá leat joatkkaoahpu oktavuođas dahje áššiiguin maid leat bargan, muhto jus plánet, de garvvát huša ja vuostemiela.

Dát doaimmat eai botke rájáid nu mo du niehku lea.

 

SKORPIUVDNA

23/10-21/11

Dál lea vejolašvuohta hukset dahje viiddidit daid návccaid mat dus leat, muhto das gáibiduvvojit buorit ákkat ja unnimusat diplomáhtalaš attáldagat.

Soaitá don fertet addit dan liiggáža vai fidnet dan mas oaivvildat lea árvu dahje doalahit dan.

Dás lea sáhka juogadeamis dahje soahtat alccet dan mii du mielas lea árvun dahje doalahit dan.

Soaitá don fuomášat ahte muhtin oasit, mat orrot váilon eallimis, bohtet fas sadjái.

 

BÁHČČI

22/11-21/12

Dál oaččut dan fuomášumi man leat háliidan ja vel eanebuš.

Muhto sáhtát menddo duođalaččat váldit iežat, dahje bijat alccet dakkár njuolggadusaid mat guhcet du máŋgga dáfus.

Dat sáhttá eaddudit du ja nu rihkut rájá dahje ohcagoađát juoga ođđa.

Erotihkka ja romantihkka libarda dál, ja dus lea garra persovnnalaš suonjardeapmi man sihke guoibmi ja ođđa oahppásat mearkkašit.

 

BÁKTEBOHKKÁ

22/12-19/1

Dál lea hástalus earuhit maid don áiggut ja maid barggat vai earát leat duhtavaččat.

Dus lea ovdáneapmi ja čájehat initiatiivva, muhto leat menddo kritihkalaš bargoustibiid vuostá.

Čiegusvuođas badjánit dovddut, soaitá danin go dat gaskavuohta ii dohkkehuvvo.

Dovddat iežat earáid gohččuma mielde eallimin, ovdamearkka dihtii go dovddat geatnegasvuođa veahkehit earáid.

 

ČÁHCEOLMMÁI

20/1-18/2

Dovddat gullevašvuođa muhtin organisašuvdnii dahje jovkui ja doppe válddát badjelasat muhtin barggu.

Sáhtát maid sajáiduvvat muhtin ođđa ustitjovkui dahje viiddidit dan mii dál lea, dát geavvá vahkku álggus.

Iežat ákkaiguin fidnet olbmuid mielde, muhto doppe sáhtát deaividit ovddeš guottuid dahje lea bággu muhttit daid gáibádusaid mat doppe ráđđejit.

 

GUOLIT

19/2-20/3

Muhtinlágan ruhtavuoitu lea vuordimasas, muhto fertet leat realisttalaš dasa maid dat šaddá máksit, gollu doaimma ektui.

Go dus lea buorredáhtolašvuohta, de vásihat ahte olbmot leat veahkkái vaikke ii leat makkár ge sivva dasa.

Don leat geasuheaddji ja máŋggas dovdet dan, ja dan dárbbašat jus leat barggus ja lea ovddasvástádus.

Muhto ale fal menddo duođas váldde daid bargguid ale ge badján dainna.

-Almmuhus-