Otná rájes ii dárbbaš muitit eará go ovtta telefonnummára go galgá doavtterváktiii riŋget Norggas.
Otná rájes ii dárbbaš muitit eará go ovtta telefonnummára go galgá doavtterváktiii riŋget Norggas.
Otne čakčamánu 1. beaivvi rájes lea Norggas oktasaš telefonnummár doavtterváktii. Ođđa nummar lea 116 117, ja vaikko gos Norggas riŋget dan nummárii de beasat doaktára ságaide.
Golmma oasis
Oktavuohta dearvvašvuođalágádusain lea golmma oasis. Fástadoavttir lea váldokontákta, Doavttervákta galgá veahkehit go fástadoavttir ii leat olámuttus, ja jus lea fáhkka heahti. Jus lea heaggavára de galgá riŋget 113. Dat boares báikkálašnummárat doavttervávttaide leat ain doaimmas.
Ávvir lea jearran olbmuin Guovdageainnu márkanbáikkis dihtet go dan ođđa nummara doavtterváktii.
Mikkel Anders Eira: – Jua, mun gal dieđan ahte otná rájes lea ođđa nummár, go mun lean gullan dan media bokte.
Evy Myhre Hætta: –Iigo leat 113. In leat ožžon mielde ahte lea ođđa nummár, nu ahte dal mun dieđan ahte dohko lea nummar 116 117.
Sara Bæhr Buljo: – Jua de dieđán, lohká son ovdal go veaháš jurdila. Mun dieđan dan go lean TV:s oaidnán, ja dieđán maid dat boares nummár ain doaibmá.
