Leat stuorra erohusat man olu joatkkaskuvllat Finnmárkkus váikkuhit ahte oahppit ollašuhttet joatkkaskuvlla, čájeha ođđa guorahallan man Oahpahusdirektoráhtta lea čađahan.
– Lea stuorra erohus man olu skuvllat váikkuhit ahte oahppit ollašuhttet joatkkaskuvlla. Mii diehtit man olu dat mearkkaša ohppiid viidáset oahppo- ja bargovejolašvuođaide. Lea dehálaš ahte skuvllat barget eanet vai eanet oahppit ollašuhttet skuvlla. Mus lea čielga vuordámuš ahte fylkkat veahkehit skuvllaid mat leat bázahallan, dadjá diehto- ja integrerenministtar Jan Tore Sanner.
Iskkadeamis čájehit ahte sámi joatkkaskuvllas Kárášjogas lea joatkkaskuvlla oahppospesialiserema ollašuhttinlohku 8,6 proseantta vuollelis riikadási. Sámi joatkkaskuvllas ja boazodoalloskuvllas Guovdageainnus lea oahppospesialiserema ollašuhttinlohku 3,8 badjelis riikadási.
