Láktadanvuoiddas, vuoktaivdni og C-vitamiidna:
Norgalaččaid gávppašanmálle rievddai go koronapandemiija leavai Norgii njukčamánus.
Dál lea guđa mánu áigi go Norga giddejuvvui korona geažil. Norgga stuorámus neahttaborramušbuvda ja apotehka, Kolonial.no ja Farmasiet, čállet preassadieđáhusas ahte sii leat geahčadan mo vuovdinstatistihkka lea rievdan pandemiijaáigodagas.
Neahttabuvddat čállet preassadieđáhusas ahte neahttagávppašeapmi lassánii go korona bođii Norgii, ja sii borgemánus olahedje jo diimmá gálvojođu. Olbmot dohpo goikeborramušaid, hivssetbáhpáriid, dálkasiid ja giehtaspriittaid. Seammás vásihedje aktevrrat ahte olbmot oste dáid gálvvuid hirbmosit, mii lea dagahan stuorát lassáneami:
– Njálbmesuodji lea lassánan 400 000 proseanttain.
– Buđehat leat 70 proseanttain lassánan.
– Giehtaspriita lea 610 proseanttain lassánan.
– Vuoktaivdni 550 proseanttain.
– Reseaptamedisiidna lea 550 proseanttain lassánan.
– Paracet lea 150 proseanttain lassánan.
– Áhpehisvuođaiskkus ja láktadanvuoiddas (glidemiddel) 150 proseanttain lassánan.
