-Almmuhus-
GUOIMMUHEAPMI– Dan mun gal jáhkán mun lean gullan

– Dan mun gal jáhkán mun lean gullan

-

-

Namma: Ul-Juhan Partapuoli

 

Ahki: 28

Guovlu: Deatnu

Bargu: Studeanta

1. Mii lea geaset?

– Na mii son dat lea. Juoga mainna geassá. Boastut!

Rievttes vástádus: Geasset riegádan miessi

 

2.Vállje rievttes sojahanhámi, mii lea preterihtas

a) dihten

á) ledjen diehtán

b) lean diehtán

– A, dihten. Riekta!

 

3. Joatkke diidda: «Jus boradettiin baste gahččá beavddi vuollái…»

– Diet gal lei váttis. Dalle manná beaivi bures. Fiinna dálki mun logan. Bostut!

Rievttes vástádus: «…dalle maid boahtá nealgeguossi.»

– Dan mun gal jáhkán mun lean gullan, dadjá Partapuoli.

 

Go Partapuoli ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Partapuoli vállje alit ivnni, ja mii jearrat sus dán árvalusa:

Mu ferte cuvket ovdal sáhttá váldit atnui. Mii lean mun?

– Monni. Riekta!

 

Galle čuoggá oktiibuot:11 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui. Ul-Juhan Partapuoli hástala Ánde Trostena searvat gilvui.

-Almmuhus-