-Almmuhus-
OĐĐASATDán muitalit vearro­logut 

Dán muitalit vearro­logut 

-

-

Vearrologuid ferte máhttit dulkot jus galgá oažžut rievttes gova olbmo dietnasis ja opmodagas. 

Vearrolisttuin leat dieđut man olu guhte ge lea vearu máksán, nettodienas ja nettoopmodat mannan vearrojagi. Dasa lassin leat maid ollislaš namma, riegádanjahki, boastanummar ja báiki.

Vearru lea dat maid mákset bálkádietnasa vearrun, dasa lassin kapitáladietnasa ja vejolaš opmodaga vearu. Jus dus lea friddjageavaheapmi mátketelefovnnas ja govdafierpmádagas, de rehkenasto das maid vearru.

Nettodienas lea dat man ožžot bálkán, kapitáladienasin ja luondduattusin.

Dan supmis leat gesson gessosat nu go persovdnageasus, vuolimus geasus ja Mánáidgárddi ja SFO golut. Vearromáksit, geain lea alla vealgi, sáhttet oažžut nettodietnasa garrasit vuoliduvvot reantogessosa dihte.

Dá ovdamearka:

Brutto bálkádienas ja finánasadietnasat: 548 750 

– vuolimus geasus: 75 150

– persovdnageasus: 43 600

– reantogeasus: 70 000

– eará gessosat: 10 000*

= Nettodienas: 350 000 (supmi mii oidno vearrolisttus) 

Nettoopmodat čájehuvvo jus du opmodagas lea eanet árvu go vealggis.

Ássanviesus ja astoáigeviesus lea livnnetárvu mihá vuollelis go márkanárvu.

Nu leage maid almmuhuvvon nettoopmodat vuollelis go duohta árvvut das maid eaiggáduššá.

-Almmuhus-