-Almmuhus-
-Almmuhus-
OĐĐASAT Dán muitalit vearrologut

Dán muitalit vearrologut

-

-

Odne almmuhuvvojedje diimmá dienasjagi vearrolisttut. 

Mediat ožžot vearrolisttuid journalisttalaš ulbmiliidda, ja vuolláičállet šiehtadusa mas ráddjejuvvo maid oažžu almmuhit.

Jus ieš háliidat geahččat vearrolisttuid, de almmuhuvvojit 2018 vearrolisttut Vearroetáhta neahttasiidduin.

Ferte logget MinID:in sisa vai galgá beassat ohcat listtuin. Sáhtát maid oaidnit geat du ohcet.

Iežat namain ohcat

Vearroetáhta lea mearkkašan ahte olbmot eai leat šat liikká áŋgirat ohcat earáid opmodaga ja dietnasa vearrolisttuin, maŋŋel go 2014:s loggegohte gii ohcá gean ge.

Stuoradiggi lea mearridan ahte vearrolisttut galget almmolaččat bearráigeahččama dihte vearromearrádusaid obbalaččat, ovttaskas olbmuide ja joavkkuide. 

Norggas lea guhkes vierru leamaš ahte galgá rabasvuohta sihke vearu ja bálkká ektui.

Beroškeahttá liikot go vai it ahte listtut leat almmolaččat, de sáhttá leat buorre diehtit maid dat listtut muitalit.

Ná dulkot vearrolisttuid

Vearrolisttuin leat dieđut man olu vearu lea máksán, nettodienas ja nettoopmodat mannan vearrojagi. Dasa lassin leat maid ollislaš namma, riegádanjahki, boastanummar ja báiki.

Vearru lea dat maid mákset bálkádietnasa vearrun, dasa lassin kapitáladietnasa ja vejolaš opmodaga vearu. Jus dus lea friddjageavaheapmi mátketelefovnnas ja govdafierpmádagas, de rehkenasto das maid vearru.

Nettodienas

Nettodienas lea dat man ožžot bálkán, kapitáladienasin ja luondduattusin – dan supmis leat gesson gessosat nu go persovdnageasus, vuolimus geasus ja Mánáidgárddi ja SFO golut. Vearromáksit, geain lea alla vealgi, sáhttet oažžut nettodietnasa garrasit vuoliduvvot reantogessosa dihte.  Dá ovdamearka: 

Brutto bálkádienas: 538 750 + finánsadietnasat: 10 000 – vuolimus geasus: 75 150 – persovdnageasus: 43 600 – reantogeasus: 70 000 – eará gessosat: 10 000* = Nettodienas: 350 000

Nettoopmodat čájehuvvo jus du opmodagas lea eanet árvu go vealggis.

Ássanviesus ja astoáigeviesus lea livnnetárvu mihá vuollelis go márkanárvu.

Nu leage maid almmuhuvvon nettoopmodat vuollelis go duohta árvvut das maid eaiggáduššá.

 

- Advertisement -
-Almmuhus-