-Almmuhus-
-Almmuhus-
GUOIMMUHEAPMIDán jagi vuosttaš árgabeai­sáŋgár

Dán jagi vuosttaš árgabeai­sáŋgár

-

-

Ávvir lea bivdán lohkkiid sáddet evttohusaid geaidda galggašii addot veaháš fuomášupmi ovdal juovllaid. Mii ohcat olbmo gii buktá moji ja ilu, juogo bargosajis dahje astoáiggis. Mii ozaimet árgabeaisáŋgáriid.

– Mu vivva, Per Mathis Bongo, ánssaša juovlafuomášumi. Son lea veahkkái iige loga goassege «a-a». Son veahkeha buohkaid mii dal de leaš bargguid. Murren, muohtačorgen, vuojáhallan, snihkken dehe dušše finadit guossis, čállá Inga J. Eira. 

Eira čilge ge juste makkár árgabeaisáŋgár lea, nu ahte Ávvir finada Per Mathis Bongo guossis. 

Go Ávvir boahtá, de lea ge Per Mathis vieso luhtte čorgeme muohttaga. Son movttáska go gullá maid su vuoni lea čállán. 

– Gal dat lei somá oažžut fuomášumi. Mun lean sihkkarit bargan buori barggu masa son lea liikon, veahkehallan, mojohallá Per Mathis Bongo. 

Eai nu stuora plánat

Dál, go juovlabasit lahkonit, de lávejit muhtumat hušain hommet, earát fas ráhkkanit vuolgit. Per Mathis ii loga sis nu stuora plánaid ovddasguvlui. 

– Ráhkkanit basiide, ii hal muđui nu ollu. 

– Makkár plánat leat juovllaid? 

– Eai leat nu stuora plánat, dás ruovttus návddašit basiid, vástida Per Mathis Bongo.

– Mii eat láve vuolgit gosage juovllaid, mojohallá son. 

Loga maid:
Ohcat olbmuid geat boktet moji, ilu ja ássan­­miela

Juovlamánu geiget mii Ávviris juovlafuomášumi olbmuide geat ánssášit liigefuomášumi barggu ovddas maid dahket illun earáide. Cavgil midjiide gii ánssášivččii juovlafuomášumi. Čális e-poastta post@avvir.no. Čális oanehaččat manne juste dat olmmoš ánssášivččii juovlafuomášumi.

-Almmuhus-