-Almmuhus-
SMÁVVAOĐĐASATDán jagi ofelaččat loahpahit doaimma

Dán jagi ofelaččat loahpahit doaimma

-

-

Sámi ofelaččat studerejit Sámi allaskuvllas Guovdageainnus ovdal go mátkkoštišgohtet Norgga joatkkaskuvllaide.

Ofelaččat leat dán jagi maid johtán miehtá Norgga ja muitalan sápmelaččaid birra nuoraide.  

– Ofelašjahki lea dat buoremus jahki maid lean vásihan. Lean reaškán olu ja oaidnán olles riikka. Lean mátkkoštan ja muitalan oahppiide sámi kultuvrra ja servvodaga birra. Maiddái muitalan dáruiduhttima birra ja man láhkai min sámi vuoigatvuođasáŋgárat leat dahkan ahte mun beasan leat rámis iežan sámevuođain, muitala sámi ofelaš Nathaniel Holan Larsen preassadieđáhusas.

Somás jahki

Gáibádusat šaddat ofelažžan lea ahte lea gaskal 18–25-jahkásaš sámi nuorra ja ahte lea oppalaš lohkangelbbolašvuohta. Sámi ofelaččat ožžot 220 000 ruvnno stipeandan ja váldet 60 oahppočuoggá. Ofelašdoaibma lea Gieldda- ja guovlodepartemeantta ja Sámi allaskuvlla ovttasbargu. Doaibma álggahuvvui 2004:s ja lea bivnnut skuvllaid gaskka. Ulbmil doaimmain lea eastadit ovdagáttuid.

– Leamaš nu somás jahki ahte livččen vel nuppi jagi sáhttán leat ofelaš, mojohallá ofelaš Ida Emilie Marakatt Lindseth

-Almmuhus-