Dán jagáš Kunesdagan ii lágiduvvo korona dihtii ja sii sávvet ahte šiehtadusat mat leat dahkkon eahketguoimmuheamis sáhttet sirdojuvvot boahtte jahkái.
– Mii han leat gohčoduvvon “Máilmmi unnimus festiválan” muhto vaikko mis leat 200-300 guossi, dahje maid unnit veršuvdna, de fertet mii geatnegas lágideaddjin šluhttet dán jagaš Kunesdagan, čállá Alf Edvard Masternes preassadieđáhusas.
Sii leat váldán oktavuođa singuin geat leat oastán bileahta eahketguoimmuheapmái ja fállan sirdit dáid boahtte jagáš Kunesdaganiidda. Muđui bohtet sii buhtadit bileahtaid jos olbmot háliidit dan.
