-Almmuhus-
OĐĐASATDán jagáš meahcehas

Dán jagáš meahcehas

-

-

Meahcehas Tonje Helene Blomseth oaččui ikte bálkkašumi «Dán jagáš meahcehas 2016». Bálkkašumi leat Lars Monsen, Cecilie Skog ja Villmarksbarna vuoitán ovdal.

Camp Villmark juohká dan «Dán jagáš meahcehas» bálkkašumi juohke jagi. Blomsethas ledje garra gilvaleaddjit nu go Randi Skaug ja Randulf Valle.

 

Čeahppi čájehit

– Tonje Helene lea ollugiid illudan. Son lea movttiidahtti ja čeahppi čájehit olgunastindoaimmaid, ja vel čájehit iežas luottaid meahcceeatnamis, muitala jurylahttu Daniel Holm.

– Su láhttenvuohki ja njuolggalašvuohta ovdanbuktá meahccevánddardeami nu movt dat lea, ja mis lea nanu jáhkku ahte son ovddida meahcásteami bures boahttevaš jagiid, loahpaha Holm.

 

Meahcástallá Finnmárkkus

Blomseth lea bajásšaddan Trøndelága fylkkas, muhto lea fárren Finnmárkui dál gos son vánddarda eallorávddas, duoddaris ja guovssahasaid vuolde. Njeallje jagi áigi mearridii Blomseth eallit meahcástemiin ja heittii skuvlavázzimis. Vaikko lea hui nuorra, de lea ollen girjji maid almmuhit.

 

Garra gilvu

Dán jagi sáhtte olbmot leat mielde váikkuheames gii šaddá dán jagáš meahcehassan. Olbmot jienastedje ovcci evttohasaid gaskas, ja vahkku maŋŋel báhce golbma finalista: Tonje Helene Blomseth, Randi Skaug ja Randulf Valle.

Dat ovccis geat ledje mielde gilvvus ledje meahcástančálli Randulf Valle, Bivdojumežat Thybo-Hansen, meahcásteaddji Tonje Helene Blomseth, «Himmeljegerne» Askeris eret, Várregizzu Randi Skaug, dutkit Yngve Kristoffersen / Audun Tholfsen, meahcásteaddji Kristoffer Gjestad, lagasbirasmeahcásteaddji Marius Nergård Pettersen ja beanavuoddji Sigrid Ekran.

-Almmuhus-