Čájáhus «Erotics of Counter-Prospecting» man lea ráhkadan dáiddárduo New Mineral Collective lea ovttasbargu Romssa Dáiddasiiddain.
Čájáhus Erotics of Counter-Prospecting oahpista gehččiid dáiddabargguide dahkkojuvvon áigodagas 2013 rájes 2019 rádjái, filmmaid ja čuovgaboksagovaid hámis, installašuvnnaid-, aviissaid- ja teakstahámis. Čájáhus rahppo bearjadaga skábmamánu 15. beaivvi diibmu 18.00. Čájáhusa sáhttá oaidnit gitta ođđajagemánu 5. beaivvi rádjái.
Čájáhus lea joatkka dán jagáš festiválačájáhusas mii čájehuvvui Romssa internationála Filbmafestivála áigge, ja mii dál lea oaidninláhkái Kárášjogas.
