Norgesgruppen lea nammadan Finnmark Rein «Dán jagáš entreprenevra 2018». Dáinna dohkkehemiin lea bivnnuhis sámi mearkagálvu olahan vel ovtta olahusa buriid jagiid maŋŋel márkanis.
Norgesgruppen lea nammadan Finnmark Rein «Dán jagáš entreprenevra 2018». Dáinna dohkkehemiin lea bivnnuhis sámi mearkagálvu olahan vel ovtta olahusa buriid jagiid maŋŋel márkanis.
Finnmark Rein lea vásihan erenoamáš sukseassa maŋŋel go dolvo varas bohccobierggu Norgga gálvomárkanii 2015:s, galmmihuvvon buktagiid lassin.
Valljivuođa sihkkarastit
Dan rájes lea beroštupmi lassánan ja eambbogat leat ohcalan sihke galmmihuvvon ja varas bohccobierggu.
– NorgesGruppen geige jahkásaččat bálkkašumiid nu go «Dán jagáš lágideaddji», «Dán jagáš KAM» ja «Dán jagáš innovašuvdna». Maiddái bálkkašupmi «Dán jagáš entreprenevra» juhkkojuvvui vuohččan. Dat leat lágideaddjái gudnejahttin dihte go bargá buori barggu sihkkarastit valljivuođa min gávppiin, mii álkida gálvvuid gávdnat mat eai leat nu álkit muđuid gávdnat oastái, ja lea gálvu mii lea hástalussan oažžut stuora gávppiide, lohká NorgesGruppen jođiheaddji Svein Bekkelund preassadieđáhusas.
Bálkkašupmi geigejuvvui suorgedeaivvadeamis Oslos njukčamánu 21. beaivvi.
Boazodoallit sukseassain
– Lea stuora gudni oažžut dán bálkkašumi. Lea stuora árvu das go leat garrasit bargan nannet boazodoalu ja bohccobierggu beaggima, ja boazodolliide geat leat mielde dán sukseassamátkkis, lohká Finnmark Rein hálddašeaddji direktevra Are Smuk Figved.
Jurys ledje NorgesGruppen ovddasvástideaddjit Oastima kategoriijas.
Sin ákkastallamis lohket ahte Finnmark Rein válljejuvvui go leat áiggi mielde huksen gálvoárvvu nu ahte lea álkit gávdnat ovtta dain eanemus dearvvašlaš varas biebmogálvvuin.
Sii leat čađahan nanu barggu struktureret gálvobuvttadeami, sajáiduhttit buvttadeami ja distribušuvnna, ja huksen Finnmark Rein nama nanu mearkan ja bargan aktiivvalaččat rámbuvrras ovttas MENYin.
Jury namuha maid ahte bohccobiergu lea dovddusin go lea okta máilmmi dearvvašlaččamus biergguin, ja lea nanaguoddevaš ja birasseasti suorggis.
Ovttasbargu vuoitun buohkaide
– Seammás go válljejit addit bálkkašumi Finnmark Reinii, de sávvá NorgesGruppen maid giittit boazodolliid go barget dan erenoamáš gálvvu ovddidit, lohká Bekkelund.
– Guhkit áigge ovttasbargu NorgesGruppeniin nanne Finnmark Rein gálvonama ja addá sihkkaris ja stabiila várrejumi. Seammás lea boazodolliin golmma geardde nu olu bierggu ovddas, go movt dinejedje moadde jagi das ovdal, lohká Bekkelund.
– NorgesGruppen ja Finnmark Rein fitnodagain leat oktasaš beroštumit. Mis lea dearvvašvuohta ja dearvvašlašvuohta, guoddevašvuohta ja biras guovddážis. Lea dehálaš vuođđun midjiide váldit iežamet servvodatovddasvástádusa duođalaččat, lohká Smuk Figved.