Stáhtačálli Widar Skogan lea duorastaga geigen «Dán jagáš bohccobiergogaskkusteaddji» bálkkašumi 2018:i ovddas. Allaárvosaš bálkkašupmi čájeha fitnodaga oasi nannet boazodoalu ja bohccobierggu beaggima.
– Háliidan sávvat lihku Finnmark Reinii go lea válljejuvvon bohccobiergogaskkusteaddjin 2018s. Sii leat hutkkálaččat ja čeahpit buktaga ovdánemiin. Sin barggus leat mielde ovddidit bohccobiergoealáhusa. Dat buktá árvohuksema ealáhussii ja addá buriid lassiváikkuhusaid, sihke báikkálaččat, guovllulaččat ja riikadásis, lohká Eanandoallo- ja biebmodepartmeantta stáhtačálli Widar Skogan go geigii bálkkašumi ealáhussuorggi deaivvadeamis Romssa gávpogis.
– Finnmark Rein fállá viiddis spektera sin buktagiiguin mii boahtá olles bohccogorudis. Sis lea mihttun geavahit olles ealli buktaga ovddideamis, ja muitalit bohccobierggu duogáža. Sii leat mielde lokteme kvalitehta bohccobierggus ja buoridit hatti boazoeaiggádii. Sii leat máŋga jagi láhčán luottaid eará fitnodagaide iešguđet ládje. Mun sávan ahte bálkkašupmi movttiidahttá viidáset barggus ealáhusas, lohká stáhtačálli Widar Skogan.
Ovddeš vuoitit:
Dán jagáš boazobiergugaskkusteaddji 2014: Fjellvilt
Dán jagáš boazobiergugaskkusteaddji2015: Ellinor Guttorm Utsi
Dán jagáš boazobiergugaskkusteaddji 2016: Røros Rein
Dán jagáš boazobiergugaskkusteaddji 2017: Skodi Rein
