Dán jagáš beaivesuonjar

Seammás go Finnmárkku buohcciviesu direktevra Eva Håheim Pedersen doalai juovlasártni, de geavahii liibba juohkit njeallje bálkkašumi iežas bargiide.

HMS-bálkkašumi (dearvvašvuohta, biras ja sihkarvuođa bálkkašupmi), dán jagáš beaivesuonjas, fágabálkkašupmi, ja dutkanbálkkašupmi.

Jagáš beaivesuonjas

Finnmárkku buohcciviessu lea álggahan «dán jagáš beaivesuonjar» bálkkašumi ovddidan ja nannen dihte buohcciviesu árvovuođuid, kvalitehta, oadjebasvuohta ja gudnejahttima.

Dán jagáš beaivesuotnjara lohket liekkus olmmožin, gii fátmmasta buohkaid. Ellen Wallin lea Deanu rávisolbmuid psykiatriijalaš poliklinihka čálli.

– Son lea álo movttet, čeahppi gullat maid earát muitalit ja sus lea buorre mokta mii njoammu earáide maid, čállá direktevra ákkastallamis.

Oahpahusteama

HMS-bálkkašupmi čalmmustahttá dearvvašvuođa, birrasa ja sihkarvuođa. Mihttun lea ahte buot bargiin galgá bargosadji gos dearvvašvuohta ovddiduvvo, ja gos loktet ja ožžot movtta.

Bálkkašumi ožžo Gilevuotna ambulánsa, Ronny Harjo, Skjalg Holand, Ørjan Olsen, Dan Weie ja Mari Ann Øien.

Fágabálkkašupmi juhkkojuvvo eaŋkilolbmuide, fágajoavkkuide dahje ossodagaide mat leat buori barggu bargan dikšumiin, oahpahemiin, oahppamiin dahje dutkamiin.

Bálkkašumi ožžo Hámmárfeastta klinihka buoridanteama geat leat bargan oahpahusprográmmain «Árrat fuomášit vearrás dili».

Dan teamas leat Pia Birgitte Berg, Erlend Magnussen, Eli-Kathrin Kristiansen, Renate Jakobsson ja Ellen Pettersen.

Vuohččan juohkán dutkamii bálkkašumi

Dutkanbálkkašupmi juhkko vuohččan.

Vuoiti Torben Wisborg lea dutkan olu jagiid, ja lea almmuhan 146 čállosa PubMed:i.

Son lea erenoamážit dutkan boaittobeal báikkiid dearvvašvuođa, ja movt sáhttá daid hástalusaid čoavdit mat geografiija čuvvot. Wisborg lea Hámmárfeastta anestiaossodaga professor ja váldodoavttir.