-Almmuhus-
OĐĐASATDán háliidit nuorat Davvi-Norgii

Dán háliidit nuorat Davvi-Norgii

-

-

Lassi áŋgiruššan guoddevaš čovdosiidda, buorre johtalusfálaldat ja buorit ja áššáiguoskevaš oahppofálaldagat. Dat leat fáktorat maid nuorra ollesolbmot Davvi-Norggas oaivvildit leat dehálaččat sihkkarastit ássanmovtta davvin.

Webinára «Davil – du boahtteáigi davvin» lágiduvvui čakčamánu 7. beaivvi Romssa ja Finnmárkku fylkkagielddas, UiT Norgga árktalaš universitehtas ja Romssa gielddas. Webinára lei cealkámuščoahkkin ráđđehusa boahttevaš davviguovlodieđáhussii, gos institušuvnnat háliidedje gullat mii nuoraid mielas berre dahkkot vai Davvi-Norga geasuha eanet, ja ráhkadit davás ássanmovtta.

Oahput mat heivejit boahtteáigái

Go lea sáhka nuoraid válljejumis oahpposajiide, de lea dehálaš sidjiide ahte oahppoinstitušuvdna nagoda oaidnit boahtteáiggi dárbbu gelbbolašvuhtii, ja fállá oahpuid mat leat heivehuvvon dasa.

Viidáset háliidit nuorat oažžut vejolašvuođa bargo- ja ealáhusdoaimmaide ovttasbarggu árrat. Goalmmát fáktor lea ahte váldá go oahppoinstitušuvdna guoddevaš válggaid ja váikkuha go ovttasbargoinstituhtaid ja ealáhuseallinoasálaččaid guovllus váldit guoddevaš válggaid.

-Almmuhus-