Namma: Sara Katrine Aleksandersen
Ahki: 18
Guovlu: Sállir
1. Mii lea Mo i Rana sámegillii?
– Lea oalle ártegis namma, ha-ha. Måeffie. RIEKTA
2. Gii lea čállán diktačoakkáldaga «Ii dát leat dat eana»?
– Inga Ravna Eira. RIEKTA
3. Marit Bjørgen, Kristin Størmer Steira ja Therese Johaug leat golmmas dain njealjásis geat 2010 OG:s faskejedje golli stafeahttačuoigamis. Gii lei dat njealját?
– Árvidan ahte lei Astrid Uhrenholdt Jacobsen. BOASTUT
Rievttes vástádus: Vibeke Skofterud.
– Na, dien lei galgat diehtit!
Sara Katrine ii máhttán vástidit visot golbma vástádusa álgovuorus, nu ahte ii beasa liigegažaldagaid vástidit. Son beassá árvádusa árvidit, ja vállje alit árvádusa:
Go mun jugan, de mun jámán. Go mun boran, de mun ealán. Mii lean mun?
– Dolla hal dat lea! RIEKTA
Čuoggá oktiibuot: 12
Sara Katrine lei dán jagáš maŋimuš gilvaleaddji Ávvira geassegilvvus.
Dát golmmas mannet viidáseappot finálavurrui:
Finálisttat: Martin Rimpi, Ánde Niillas Utsi ja Elle Inga Eira
Galle čuoggá: Buohkain leat 18 čuoggá
Dát mearkkaša ahte dát golmmas besset searvat finálavuorrui.
Finálavuorru čađahuvvo seammaládje go gilvu lea dássážii čađahuvvon.
Álggos vástidit golbma gažaldaga.
Jus vástidit riekta, de ožžot liigegažaldagaid vástidit.
Beassá daid vástidit nu galle go máhttá riekta vástidit.
Juohke gilvaleaddji beassá vel árvalusa geahččalit vástidit.
Dat geas maŋŋel finálavuoru leat eanemus čuoggát, vuoitá gilvvu.
Jus gilvaleaddjit fas šaddet dássálagaid, de lágidit vel ovtta finálavuoru.
