-Almmuhus-
OĐĐASATDálmma čearru stevdne Ruoŧa stáda

Dálmma čearru stevdne Ruoŧa stáda

-

-

Dálmma čearru čuovvula Girjás čearu ja stevdne stáda. Čearru gáibidišgoahtá oktonas rivttiid bivdo- ja guolásteapmái čearu eatnamiin. 

Maŋŋel Girjás-duomu oidnet eará čearut maid vejolašvuođaid oažžut oktonas rivttiid bivdui ja guolásteapmái čearu eatnamiin.  Dálmma čearru lea miessemánu 20. beaivvi geigen 18-siidosaš cealkámuša Ruoŧa diggeriektái. Cealkámušas čearru stevdne Ruoŧa stáda go oaivvildit ahte sis lea riekti bivdui ja guolásteapmái čearu eatnamin. 

Dálmma čearu lea ovdal gáibidan oktonas rievtti čearu eatnamiidda Leanastivrras, muhto dalle eai ožžon vástádusa.

Ávvir lea geahččalan gávdnat Dálmma čearu ságadoalli Aslak Allasa ságaide, muhto eat leat lihkostuvvan. Sámerádioi ja SVT Sápmái son lea cealkan ahte ii háliit dál kommenteret stevdnega Ruoŧa stáda vuostá.

– Duođaštan ahte leat stevdnen stáda, muhto in háliit eanet dadjat, cealká son kommentáras. 

Seamma vuoigatvuođaid

2020 miessemánu Dálmma čearu ságadoalli Aslak Allas dajai Ávvirii ahte  sii leat gáibidan reivve bokte ahte Norrbottena leanastivra addá čerrui oktonas rivttiid bivdui ja guolásteapmái čearu eatnamiin. 

– Mii gáibidit seamma vuoigatvuođaid go Girjásis leat maŋŋel Girjás-duomu. Reivves mii čujuhit sihke lágamánnerievtti ja Ruoŧa Alimusrievtti dupmui Girjás ja Ruoŧa stáda áššis. Dat mearkkaša ahte Dálmma čearru oččošii de oktonas rivttiid bivdui ja guolásteapmái čearu eatnamiin. Norrbottena leanastivra lea dál vástidan ahte sii eai sáhte maidege dahkat áššis, dajai Aslak Allas dalle.  

BIVDO- JA GUOLÁSTANRIEVTTIT: Dálmma čearru gáibida seamma vuoigatvuođaid go Girjásis leat maŋŋel Girjás-duomu. Govva: Preassagovva Fefo. 
BIVDO- JA GUOLÁSTANRIEVTTIT: Dálmma čearru gáibida seamma vuoigatvuođaid go Girjásis leat maŋŋel Girjás-duomu. Govva: Preassagovva Fefo. 
Loga maid:
Dálmma čearru gáibida oktonas­rivttiid čearu eatnamiidda

Bivdo- ja guolástanrievttit 

Ruoŧa Sámiid rRiikasearvvi jođiheaddji Matti Berg Blind čilge ahte ii leat vuordemeahttun ahte Dálmma čearru dál  stevdne stáda. 

– Lei nu go Girjás stevdnii stáda, ahte eanet čearut čuovvulit jus ii boađe stáda bealis rievdadus. Nu ahte ii lean vuordemeahttun ahte Dálmma čearru dál maid lea stevdnen stáda. 

Lei ođđajagemánu 2020 go Ruoŧa alimusriekti celkkii ahte Girjás oažžu oktonas rivttiid bivdui ja guolásteapmái čearu eatnamiin. Matti Berg Blind čilge ahte lea Dálmma čearu mearrádus stevdnet stáda.

– Lea Dálmma čearu mearrádus stevdnet stád, muhto dieđusge mii doarjut sin go leat min miellahtut. Lea hirbmat miellagiddevaš čuovvut stevdnega ja oaidnit váldá go Ruoŧa justitekansler ovdan seamma ášši nu go Girjásis lei. Šaddá guhkes geaidnu jus galget fas

STÁDA GUORAHALLAMAT: Ruoŧa Sámiid Riikasearvvi jođiheaddji Matti Berg Blind čilge ahte ii leat vuordemeahttun go Dálmma čearru dál  stevdne stáda.  Govva: Iselin Skum 
STÁDA GUORAHALLAMAT: Ruoŧa Sámiid Riikasearvvi jođiheaddji Matti Berg Blind čilge ahte ii leat vuordemeahttun go Dálmma čearru dál  stevdne stáda.  Govva: Iselin Skum 

Jáhkát go ahte eanet čearut válljejit stevdnet stáda?

– Dan gal jáhkán. Mii oaidnit mot dát Dálmma áššiin manná jus Ruoŧa justitekansler váldá ovdan ja mot manná ođđa boazodoalloguorahallanáššiin. Lea šaddan duođalaš politihkalaš ášši. Ii lea vuosttas gearddi go Ruoŧa stáhta bidjá johtui guorahallama mas ii boađe makkárge čoavddus. Geahča dušše Ruoŧa ILO 169 guorahallama, mas ii boahtán mihkkege. In sáhte vástidit lea go buoret vuordit láhkaguorahallama vai stevdnet stáda. Mii eat šat luohte Ruoŧa stáda guorahallamiidda go ráđđehusa politihkkarat eai háliit mearridit áššiid, čilge Matti Berg Blind. 

Guorahallet boazodoallolága 

Ruoŧa stáhta lea miessemánu 2021 bidjan johtui ođđa boazodoallo lága guorahallama go dálá boazodoalloláhka lea bisson 1971 rájes.

– Guorahallan dárbbašuvvo earret eará heivehuvvot dálá servvodatstruktuvrii ja Alimusrievtti Girjás-ášši dupmui. Boađus galgá ovdanbuktojuvvot 2025 miessemánus, čállá Ruoŧa ráđđehus guorahallamis. 

Loga maid:
– Ruoŧa stáhta galggašii addit buot čearuide seamma rivttiid 

-Almmuhus-