-Almmuhus-
-Almmuhus-
GUOIMMUHEAPMI –Dalle goit lei 
mus riekta!

–Dalle goit lei 
mus riekta!

-

-

Namma: Ivvár Áilu Utsi

Ahki: 26

Guovlu: Deatnu

Bargu: Boazobargi

1. Gii lea Lars Levi Læstadius ja gos son váikkuhii?

 –Gii lea Lars Levi Læstadius… Ii go son lean báhppa Guovdageainnu stuimmiid áiggis. Guovdageainnus báhppa.

Rievttes vástádus: Son lei báhppa Gárasavvonis.

 

2. Mii lea oktan stuora sivvan dasa, ahte boazodoallu rievddai 1800-logus?

 –Rájiid gidden. Go riikka rájiid giddejedje. Riekta!

 

3. Joatkke dálkediidda: «Jus guhkesbearjadaga borgá…»

 –Jus guhkesbearjadaga borgá… Mun in gal dieđe, mun dajan ahte dalle šaddá guhkes giđđa. Boastut!

Rievttes vástádus: «… dalle šaddá liegga geassi.»

 

Go Utsi ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Utsi vállje rukses ivnni, ja mii jearrat sus dán árvalusa:

Guđe beaivvis leat 25 diimmu?

–Man guhkki lei ge smiehttanáigi, gal mun riŋgen dutnje fas ihttin, Utsi dadjá ja boagusta.

– Guđe beaivvis leat 25 diimmu? Lea go son dat dalle go diimmu sirdá, dálveáigái ja geasseáigái. Dat soaitá leat ođđajagiruohtta. Mun dajan ođđajagiruohta. Boastut!

Rievttes vástádus: Dan beaivvi go geasseáigi nohkka, ja diibmu sirdojuvvo diimmu maŋos.

–Dalle goit lei mus riektá! Utsi boagusta.

 

Galle čuoggá oktiibuot: 1,5 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui. Ivvár Áilu Utsi
hástala Issát Ánte Utsi searvat gilvui.

-Almmuhus-