Sámediggepresideanta ja birasministtar áiguba digaštallat áigeguovdilis sámi áššiid boahtte vahkkus.
Duorastaga, borgemánu 25. beaivvi, oažžu sámediggepresideanta Silje Karine Muotka dálkkádat- ja birasministara Espen Barth Eide guossái Kárášjohkii. Ovdal čoahkkima de lea ofelastin parlameantaviesus Kárášjogas, ovdal go čoahkkin álgá.
Čuovvovaš fáttát digaštallojuvvojit čoahkkimis:
– Areála: Suddjen geavaheami bokte
– Mohtorfievrojohtin meahcis
– Lodden
– Guohtunealáhusaid boraspireváttisvuođat
– Luossa: Deanučázádaga dilli, mearraluossabivdu, ruoššaluossa, rájáidrasttildeaddji hálddašeapmi ja hálddašanmodeallat deanulussii, árbevirolaš máhtu sirdin ođđa buolvvaide, deanujoavku ja geaidnu viidáseappot