-Almmuhus-
OĐĐASAT– Dálki orru hehtten bileahttavuovdima 

– Dálki orru hehtten bileahttavuovdima 

-

-

«Midnattsrocken» festiválahoavda Jon Arne Pettersen ii loga duhtavažžan bileahttavuovdminiin dán jagáš festivála maŋŋel. 

– Dálki orru váikkuhan dán jagá bileahttavuovdima, muhto dálkki eat sáhte mii mearridit, lohká Pettersen. 

Pettersen muitala sis leat dán jagáš festiválalogut, muhto eai almmut daid vuos. 

– Mii almmuhit loguid go min bargi, guhte bargá loguiguin, lohká ahte mii sáhttit almmuhit, čilge Pettersen.

 

Duhtavaččat festiválain 

Festiválahoavda rámida dán jagáš čadaheami, sihke sin eaktodáhtolaš bargiid dáfus ja buohkaid geat barge festiválas. 

– Buot artisttat leat rámpon min festivála, ja visot orru mannan bures, muitala Pettersen. 

Pettersen lasiha ahte festiválas lea čuvges boahtteáigi nu guhká go lea beaivvádat ja fiertu. 

 

Boikohtten festivála 

Son muitala ahte lea gullan ságaid ahte Leavnnja ássit soitet boikohtten festivála, muhto ii loga diehtit leat go duođat. 

– Jus leat duođat dát beaggimat, de lea hui váivi midjiide. Sávan ii leat nu, loahpaha festiválahoavda Pettersen. 

-Almmuhus-