-Almmuhus-
OĐĐASATDálki lea čuohcan guolás­teapmái eanet go korona 

Dálki lea čuohcan guolás­teapmái eanet go korona 

-

-

Unnimus guollefatnasat bivde 5000 tonna unnit dán jagi vuosttaš kvartálas, diimmá loguid ektui. 

Obbalaččat lea guolástemiin dássážii dán jagi mannan bures, muhto garra dálkkit dahket maiddái guolásteami eahpesihkarin. Dát guoská earenoamážit unnimus fatnasiidda mat leat vuollel 11 mehtera guhkit.

Ollu guolásteaddjit leat bivdán iežaset dorskebivdomeari ođđajagemánus ja guovvamánus, ja sii leat árvideames duhtavaččat dainna go njukčamánus ledje ollu garra dálkkit, čállá NTB. Garra dálkkit njukčamánus leat váikkuhan Romssa ja Finnmárkku guolásteapmái, go guolásteaddjit biggehadde dálkki geažil eai ge koronadávdda geažil. 

95 proseantta buot mearrabiepmuin Norggas fievrriduvvo olgoriikii. Gažaldat dál lea mii galgá dáhpáhuvvat varas guliiguin mat galge sáddejuvvot olgoriikii, go eksporta lea dál measta oalát bisánan koronadili geažil. 

Buvttadeaddjit, geat gieđahallet guollebuktaga, nu go sáltejuvvon ja goikaduvvon guliid, leat olles barggus. Sii áigot dál bidjat eanet návccaid biebmolasáhussii Norggas mii sáhttá dagahit ahte gávpeberoštupmi guollái Norggas lassána.  

-Almmuhus-