-Almmuhus-
OĐĐASATDál soaitá borgat

Dál soaitá borgat

-

-

Garra biegga lea maŋemus jándora bosodan davvin, ja dál dieđihit meterologat borgat vel duoddariin ja váriin.

Dálki, mii ollii ikte Norgga davimus fylkkaide, Nordlánddas Finnmárkui, doalvvui ollu fatnasiid biekka mielde, dieđihit máŋggat politiijaguovllut davvin.

 

Finnmárkkus eanemus dieđut Hámmárfeasttas

Finnmárkkus lea biegga bonjistan leavgastákku sullii 45 gráda fitnjut Scandic hotealla luhtte Hámmárfeasttas. Oarje-Finnmárkku politiijat lohket leamaš garra biekka.

Batteripárkkas Hámmárfeasttas leat guokte stuora láse luovvanan biekka dihte. Politiijat giddejit báikki, ja vurdet veahki buollinvávttas.

Luovos dávvirat girddášedje biekka mielde Soltunas Hámmárfeasttas. Politiijat geahččalit oažžut oktavuođa fitnodagain man biergasat leat áimmus.

Nu čállá Oarje-Finnmárkku politiijaguovlu twittera bokte.

 

Borgadálki

Meteorologat dieđihit vejolažžan ahte borgá odne maŋŋelgaskabeaivvi Romssa ja Finnmárkku fylkkain. Dasa lassin lea garra biegga ja sáhttá leat váttis vuodjinsiivu. Dan čállet yr.no meteorologat twitteris.

-Almmuhus-