Ráđđehus geavaha badjel 81 miljovnna ruvnnu ođđa kurssaide ja oahppofálaldagaide.
– Fálaldagat galget ráhkaduvvot sidjiide geat leat virgelobis, bargguheamet, nuoraide geain ii leat nu olu bargovásáhus ja sidjiide geat leat aiddo geargan oahpuin, dadjá dutkan- ja alitoahppoministtar Henrik Asheim (O).
Oahppofálaldagat leat joatkkaskuvllas gitta alitohppui, ja fálaldagat leat nuvttá ja dávjá digitálalaččat.
– Dat dagaha ahte lea álki ovttastahttit bargoohcamiin, bearašeallimiin dahje bargguin. Olu kurssat álget geassemánus juo nu ahte sávan olusiid geavahit vejolašvuođa háhkat eambbo gelbbolašvuođa jođánit, dadjá Asheim preassadieđáhusas.