Oahpaheaddjit vuođđoskuvllas geain lea oahppoloatna ja geat orrot ja barget Finnmárkkus ja Davvi-Tromssas, sáhttet oažžut 50.000 ruvnnu sihkkojuvvot oahppoloanas juohke jagi.
Olbmot geat orrot ja barget Finnmárkkus dahje čieža gielddas Tromssas, sáhttet oažžut 20 proseantta álgovuolggalaš oahppoloanas sihkkojuvvot juohke jagi, maksimálalaččat 30.000 ruvnnuin.
Jus bargá oahpaheaddjin vuođđoskuvllas, de sáhttet liige 20.000 ruvnnu vealggis vel sihkkojuvvot. Eaktu lea ahte ferte leat orron ja bargan báikkis guoktenuppelohkái mánu.
Ovdal lei vejolaš sihkkut 10 proseantta ja maksimálalaččat 25.000 ruvnnu jahkái. Doaibmaavádat lea olles Finnmárku, Ivgu, Storfjord, Kåfjord, Skiervá, Ráisa, Gálsa ja Návuotna Tromssas.
Golggotmánus go stáhtabušeahtta bođii, dajai finánsaministtar Trygve Slagsvold Vedum (Sp) ahte doaibmabidju dagaha ahte šaddá eanet geasuheaddji nuoraide fárret davás.
(©NTB)
