-Almmuhus-
OĐĐASATDál sáhttá ohcat sierra­lobi vánddardit ráji badjel go galgá hávdá­deapmái 

Dál sáhttá ohcat sierra­lobi vánddardit ráji badjel go galgá hávdá­deapmái 

Journalista

-

-

Ráđđehus rievdada covid-19 láhkaásahusa errenhotealla ja njuolggadusaid olgoriikka vánddardeami ektui jus áigu lagasolbmo guossái gii buohcá dahje lagasolbmo hávdádeapmái.

Deháleamos rievdadus errenhoteallanjuolggadusain lea ahte olbmot eai dárbbat errenhoteallas orrut geain lea eará dahkamuš Norggas go bargat dahje sáhttet duođaštit ahte sis lea sierra báiki gos sáhttet orrut errenáiggi.

Sierralohpi

Ráđđehus rievdada njuolggadusaid nu ahte ii dárbbaš mannat errenhotellii, ja nu ahte sáhttá oažžut sierralobi boahtit Norgii. Dat guoská sidjiide geat fitnet lagasolbmo luhtte gii buohcá ja orru olgoriikkas, dahje jus lagasolbmo hávdádeamis galgá fitnat.

Sierralohpi erremis guoská dušše dan čađaheapmái mii guoská ulbmilii masa lea ožžon sierralobi. Muđuid galgá errema čađahit. Dan čállá Dearvvašvuođadirektoráhtta neahttasiiddus.

Lea suohkandoavttir gii addá dakkár sierralobi, ja lea dat doavttir suohkanis gii addá lobi gos áiggut fitnat hávdádeamis dahje guossis.

-Almmuhus-