Ráđđehus lea dal mearridan ahte sáhttá váldit oahpu ja vel oaččut beaiveruđaid NAV:s. Dát ortnet lea gaskaboddosaš čakčamánu 1. beaivái.
Koronarohttu lea dagahan ahte earenomáš olu olbmot leat ohcan beaiveruđaid NAV:s. Ovdal fertii sierra ohcamuša saddet beassat ovttastahttit oahpu ja beaiveruđaid, muhto dal lea ráđđehus ásahan gaskaboddosaš ortnega ahte lea vejolaš váldit oahpu seammás go oažžu beaiveruđaid.
Dat ortnet guoská buotlágan oahpuide ja kurssaide, dieđiha ráđđehus preassadieđáhusas maid ráđđehus sáddii gaskavahkku, ja dat ođđa ortnet doaibma cuoŋománu 20.beaivvis gitta čakčamánu 1.beaivái.