Otná rájes sáhttá Vipps bokte sáddet ruđa Ruŧŧii. Geassit šattai vejolažžan dan dahkat maiddái Danmárkkus ja Suomas.
Danmárkku-Suoma MobilePay ovttastuvai mannan geasi Norgga máksinbálvalusain Vippsain.
Dan rájes lea álkibun šaddan sáddet ruđaid riikarájiid rastá, dieđiha TV 2.
Ruoŧa Swish bovdejuvvui mielde ovttasbargui, muhto hilgo ovttasbarggu. Nu lea Vipps ásahan iešheanalaš fitnodagaid Ruŧŧii, ja otná rájes lea vejolaš vippset Ruŧŧiige.
– Min ulbmil lea álkidahttit máksima Davviriikkain. Danne leat mii hirbmat ilus ja gealdagasas go mii dál leat olámuttos Ruoŧas, dadjá Vipps-hoavda Rune Garborg preassadieđáhusas.
Su oaivila mielde lea viiddideapmi Dánmárkui ja Supmii lihkostuvvan.
(©NTB)
